"Raqamlashtirish sharoitida zamonaviy didaktik modellardan foydalanish" mavzusida xalqaro konferensiya o'tkazildi.
📅 18 Apr, 2026👁 89
Xalqaro hamkorlik konferensiyasi “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universitetida bo'lib o'tdi.
2026-yil 18-aprel kuni "Science and Innovation" xalqaro ilmiy jurnali hamda “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universiteti hamkorligida xalqaro nufuzli konferensiya bo'lib o'tdi.
⌛ Mazkur anjumanda Sharipov Kongratbay Avezimbetovich — Oliy ta’lim, fan va innovatsiyalar vaziri hamda Mirzayev Baxodir Suyunovich — “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universitetida rektori ishtirok etib, konferensiya mavzusi yuzasidan dolzarb fikr va takliflarini bildirdilar.
Tadbir davomida raqamlashtirish jarayonida ta’lim tizimiga zamonaviy didaktik yondashuvlarni joriy etish, innovatsion metodlardan samarali foydalanish hamda ilm-fan va ta’lim integratsiyasini kuchaytirish masalalari keng muhokama qilinib, ishtirokchilarga sertifikatlar hamda esdalik sovg'alari topshirildi.